POEZIA BAI LORON NARUK

"BAILORON NARUK"

Belun...
Hateke to'ok ba kalohan as ne’eba
Loro-matan haburas fase ho roman
Manas... manas... nafatin hatutan manas
Fakar ba kulit lolos tolan aimanas

Belun...
Karik nia hakarak duni nune'e ?
Ka folin mak ita lolos hulan ?
Ó hatene tamba sá ?
Ka Ó kulit maten ona ?

Belun...
Lolos ohin,...
Kalohan kari ona nia wen turuk
Fakar udawen sulin ba sulin sanak ba sanak
Ita laek sira hahu lere du'ut fila rai
Maibe ohin lasai nune'e
Tebes nia hakarak duni nune'e ?

Lae, lalos !!!
Maibe...
Ne'e mak folin
Folin ne'ebé ita lolos hulan duni
Hulan hodi fase ita matan

Husi ita hahalok be ulun tos kakutak fatuk
Kasa, tesi narnaran aihoris no sunu rai
Neon laiha lolos de'it ita mak bo'ot liu sasan hotu
Lakohi hako'ak sira nudar ita belun
Ikus, buat hotu sai fuik

Belun...
Ne'eduni ohin,...
Lalika fó sala ba se no se
Tolan ita halerik simu ho liman rua
Ohin,...
Hakarak hatutan ka habadak moruk ne'e ?
Buat hotu hare ba ita tomak nia neon
Hakbesik, hako'ak hodi haki'ak hikas

Ne'e so dalan mesak
Los, so dalan ne'e
Mak sei kore lutu metan husi ita ulun
Se lae, iha ona ita oin...
Moruk mak ita sei tolan mesak hodi hein
Hein de'it bainhira mak iis sei hafahe lolon

Nune'e belun,...
Hili mak nebe ?
Buat hotu ita rasik mak sei tetu no hakotu
Tan moruk, mai iha oin los ona
No ita balun sente daudaun ona
Mout ba laloran hamlaha no hamrok

Eskritor : Ell Castro

lee kontinua